وسائط اصاله

/
:: سواها قلبي ::



سواها قلبي يا حبيبي و حبك
ماطاعني و انا عن الحب ناهيه
الظاهر انه ما يبي غير قربك
عاف الجميع و اول الناس راعيه

عليه ما اوصيك لا صار جنبك
صبح عليه بحب و بحب مسيه
نبضه وفا و تضحيه كانه يعجبك
صافي و لكن ما لقى من يصفيه

خلى دروب الكل و اختار دربك
داريه تكفى قد ما فيك داريه
و ابشر بقلب ٍ ما يبي غير قربك
يموت و غير محبتك ما سكن فيه

/
\
/
:: ديرة الغربة ::



الله يسامحك على كل ما جاني
القلب لعيونك الثنتين عذر به
و الا طموحي براسي و اسأل امتاني
اكبر من اللي على شرواك اجاهر به

تذكرني ايام السعدي و اتناساني
في الضيق و الهم و اللوعات و الكربه
تدري وش الغربه اني داخل اوطاني
و اعيش مثل الغريب بديرة الغربه

لا تعتذر عذر ما يقنع علشاني
و ان كان به عذر تكفى لا تعذر به
لكن تذكر بأن ابن آدم انساني
و الكبر صاحبه له يوم ٍ يحدر به

في الحب ساير تعيش بحب وحداني
وان حارب الناس عقلك ماتفكر به
الاول اللي يعاني مثل ما اعاني
و اليا شعرت بلذيذ الشوق تشعر به

و اللي خفوقي على شوفته طرباني
كل الدروب العفيفه تطمح لدربه
ليه اتحداك لا كنت تحداني
وانا مقامي عن النجمات افاخر به


/
\
/
:: تبي تتركني ::



تبي تتركني اتركني تأكد اني ما ح أزعل
ولا اسأل وش تفاصيل البعاد وطوله ونوعه
ولكن قول انا ماشي ترى بعض الوداع اجمل
من هروب الحبيب اللي ترك له ناس موجوعه

اذا حبي مايعني لك اكيد ان الفراق افضل
واذا عيني بتبكي لك اكيد العين مخدوعه
واذا انت اللي بتتركني ولا احد ٍ جابرك ترحل
حرام اتظايق وأشقى على اللي رايح بطوعه

انا ماقول لك بانسى ولكن مستحيل اسأل
ابأحبس اصغر انفاسي لو الهمسات مسموعه
انا بأتذكر ايامك ولا انسى حلمي الأول
بتبقى صورتك عندي بوسط الروح مطبوعه

حبيبي لو بترجع لي وتعطيني العذر باقبل
اباغفر للحبيب اللي غياب احبابه يلوعه
ومهما طول غيابك بتبقى رحمتي أطول
تأكد في شرع قلبي لك الأقلام مرفوعه


/
\
/
:: امنية ::



و الله اني ما اتمنى في حياتي الا شي
اني املك كل هالدنيا بيدي
ما اسمعك في يوم تنطق كان ودي ..
قبل لا تحلم احقق
قبل لا تحكي اقول
قبل لا تشكي همومك
لك اجي كلي حلول
و ليت كل هالكون بيدي لاجل احقق ما ابي ..

ادري انه امنياتي هي مجرد امنيات
لوني املكها حياتي كنت بأهديك الحياه
بس اشوف الابتسامه ما تفارق دنيتك
ياللي كل ايامي تضحك لما المح بسمتك
و ليت كل هالكون بيدي لاجل احقق ما ابي

انت يا عزي و ذلي
و اجمل اجمل ما حصل لي
وش اقدم لك سواي
و ارمي ايامي تحت اطهر خطا
ياللي كل ايام عمري قبل ما احبك خطا
ايه قهر و الله قهر اني ما اقدر حتى ما اقدر
اوصل حدود السما لأجل اهديلك قمر
ودي ودي و الله ودي بس ما في يديني شي

/
\
/
:: إقرب قريب ::



أضيع في الدنيا بلياك عني عذولك لا يردك
انت تأمر واللي تطلبه ياك الا الوداع وصوت صدك
إقرب قريب الروح تهواك والله وربي ما اردك
انت تأمر واللي تطلبه ياك الا الوداع وصوت صدك

إنت حبيب الروح تفداك يا مبهدل العالم بقدك
حتى شفوفه تتبع رضاك واكثر من ودادك يودك
يانور بأسري وين مسراك بأحدد حدودي بحدك
أضيع في الدنيا بلياك عني عذولك لا يردك

ابرد بثلجك و اتدفاك تلمس كفوف إيدي خدك
أحبك أكثر واتحداك تلقى بقلبي من يندك
وكذاب لي قال لك بـ أنساك لو تنوي الصد بـ أردك
إقرب قريب الروح تهواك والله وربي ما اردك

\
/